Bullið mitt

Nú eru komnar 5 vikur síðan ég byrjaði á hráfæðinu

Ég er hætt á svefnlyfjum, þarf þau ekki lengur, sofna bara eins og ungabarn og sef vel alla nóttina, og þarf minni svefn. Ég er orkumeiri og glaðlyndari ég finn minna fyrir verkjum í líkamanum sem þýðir ég er farin að geta gert meira en áður

Vigtin stendur í stað, verð að hætta að stíga á hana…öhömm…hehe…en það kemur.

Það sem ég er búin að gera er; ég hef ekki borðað pizzu síðan ég byrjaði (nema speltpizzu mannsins míns) ekki borðað pylsur, eða unnar kjötvörur. Ég fór suður í 5 daga, og þá borðaði ég einu sinni hambó með frönskum, aðeins af brauði, en öðru leyti bara hollan mat jú og kanelsnúða

Ég borða alltaf kvöldmat, og þá eldaðan frá grunni. Mikið af grænmeti oftast, en reyndar með feta osti ég er nánast hætt að drekka gos, drekk frekar vatn, hef minnkað te drykkjuna til muna og nota þá agave sýróp í staðinn fyrir sykur.

Ég finn mikinn mun á bjúgsöfnun, og get stundum notað hring sem ég hef ekki getað notað lengi

Þannig þetta er snilld og ég held ótrauð áfram

Jæja þá er marr laus við Galloperinn!! skiptum honum upp í Toyotu Carinu station…árg 94…sér varla á honum utan sem innan…nema það er beygla á öðru frambrettinu…en það fylgdi annað bretti með í sama lit…skiptum um það fljótlega

Svo erum við að fara suður á miðvikudaginn! Ég þarf að fara til doksa á fimmtudag, og svo nottla sjá litla systurson minn og fara í leikhús á Faust…og svo sýningu hjá dansflokknum…menningarferð hehe…

Tökum litlu stelpurnar með og Sylvíu…Silja passar hús og ketti á meðan og mætir í skólann

Annars er allt á kafi í snjó…fljúgandi hálka…og marr er óvanur því að vera bara á framdrifnum bíl…en það hefst nú allt saman

Eigið góða daga

Þann 18.feb kl 12.38 eignaðist ég systurson hehe…Unnur siss og Hilli eignuðust lítinn prins hann var 15 merkur og 54cm, heljarmikill strákur, og massaður hahahaha allt gekk rosavel og þau voru komin heim samdægurs svona á að gera þetta

Annars er lítið að frétta héðan, það snjóar og snjóar…náði þó að viðra Skuggann minn fyrir viku síðan! Í smástund, en það er alltaf smástund…

Hætt í skólanum, búin að minnka mikið við mig vinnuna í Aflinu, byrjuð á hráfæði sem er snilld og líður strax miklu betur!

haha ekkert að frétta greinilega tíhí….

Over and out

Mikill menningardagur var á laugardaginn hjá okkur Fyrst fóru við á árshátíð Oddeyrarskóla, frá 1 til 5.30 hehe…og svo skunduðum við í leikhúsið að sjá 39 þrep og vááá hvað það var gaman, hef ekki hlegið svona mikið lengi! Mæli sko með þessari sýningu 4 leikarar…139 hlutverk hehe….snilldar uppsetning og bara já stórkostleg upplifun út í eitt

Tók svo sunnudaginn í náttfatadag…alveg búin á því…og er enn…en það lagast held ég…

Er að fara með Birnu mína í röngten myndatöku á eftir, henni er svo oft illt í annari mjöðminni…þarf að skoða það. Svo styttist í ösku(r)dag, bolludag og sprengidag þá verður nú stuð á Hóli býst ég við…

Þorrablót hjá 10unni á föstudagskvöld, erum að spá í að skella okkur hjónin…annars voða lítið að frétta hér…nema ég er aaaalveg að vera móðursystir einu sinni enn! víííí bara dagaspursmál hvenær Unnur siss fer að eiga vííí…

Eigið góða daga!

Yndisleg helgi að baki! spúsi semsagt fór með mig á Illugastaði og þar biðu Hrefna og Guðjón eftir okkur með góðan mat og sleða við spiluðum og borðuðum góðan mat, kjöftuðum frá okkur allt vit og svo var bæði gufa og pottur á svæðinu á laugardag komu svo Palli og Bergný með krakkana og fleiri sleða og léku sér í snjónum…ég var nú ekki alveg til í það, dauðkvefuð og fín en ég horfði á…spúsi grillaði svo nautasteik ofan í liðið og svo var spilað meira og meira, helgin endaði 3:3 á milli stelpu og strákaliða hehe…í gær komu Palli og Bergný aftur og fór liðið upp í Víkurskarð en við hjónin kúrðum okkur með sæng og popp og lásum bækur langt fram á kvöld, YNDISLEGT! fórum í gufu og lásum svo meira og meira í morgun drifum við okkur á lappir, skúruðum allan bústaðinn út úr dyrum og renndum heim, dásamlega afslöppuð og úthvíld

Daglegt amstur tekið við, en þó léttari í lundu enda frábært að brjóta upp svartasta skammdegið svona

Ástarþakkir fyrir mig elsku ástin mín og þið frábæru vinir